मम देशो भारतम्, मम भाषा संस्कृतम्।
जन्मभूमिरस्माकं भारतं भारतम्।।
जननी नो वाङ्मयस्य संस्कृतं संस्कृतम्
अनाद्य–नन्तविश्वविदित–सौम्यधैर्यकीर्तिकलित–भारतीया वयं
भारतीया वयं भारतीया वयम्।
पुण्यभूमिरस्माकं भारतं भारतम्
....सर्वधर्मसंस्कृतासंस्कृता
हिन्दुक्रिस्टसिक्खमुस्लिमजातिमदविभागरहितभारतीया वयं भारतीया
वयं भारतीया वयम्।
वेदभूमिरस्माकं भारतं भारतम्
सर्वजनसमैक्यभावबन्धुरं भारतम्
सत्यधर्मस्नेहशान्तिविश्वबन्धुभावभरितभारतीया वयं भारतीया
वयं भारतीया वयम्।
